Psa 104 | ZomZIV | STEP | Ka hinna aw, TOPA phat in. Ka Pasian, TOPA aw, nang na lian mahmah a; nopcitna le thupina na silh hi.

‏ Psalms 104

1 Ka hinna aw, TOPA phat in.
Ka Pasian, TOPA aw, nang na lian mahmah a;
nopcitna le thupina na silh hi.
2 Amah in puan bangin khuavak silh a; ^a
puanbuk bangin vante zalin ^b
3 a inndei tungnung zawlpite amau tuite tungah a khung hi. ^c
Amah in meiipite sakolleng in nei a, ^d
huih khate tungah a tuang hi. ^e
4 Amah in thupuaka in huihte zang ^{▼▼ 4 Ahikeh vansawltakte
,} ^g
a nasemin meikuang a zang hi.
5 Amah in a kikhin ngei lo dingin ^h
tua leitung bulkip tungah a nga hi.
6 Puansilh bangin tui thukpi-in na tuam a; ⁱ
tuite in mualte tunglam ah a ding hi. ^j
7 Ahi hangin na taihilh ciangin tuite kikhenthang a, ^k
na vanging aw hangin a manlangin a tai uh hi; ^l
8 mual liante tungah luang uh a,
amau adingin na sehsaksa kuamte sungah ^m
a tuaksuk ciat uh hi.
9 Amau kantan theih loh dingin gamgi na khunga ⁿ
amaute in leitung a tuam kik ngei nawn kei ding uh hi.
10 Amah in kuam thukpite sungah tuinakte tui sungsak a; ^o
mualte kikalah a luang hi.
11 Tuate in gamlak ganhingte khempeuh tui pia a;
gamsung laate a dangtakna phasak hi. ^p
12 Huih lak vasate in tui gei ah bu tom uh a, ^q
singhiangte lakah khuang uh hi. ^r
13 Amah in inndei tungnungte panin mualliante tui buak a; ^s
a sepsa gahte-in leitung a tai hi. ^t
^u 14 Amah in ganhonte adingin lopate posak a,
mihingte hah dingin singnote a posak hi -
tuate in lei panin an piangkhiasak a, ^v
15 mihing lungsim a nuamsak dingin zu, ^w
a mai a zolsak dingin sathau le
a lungsim a hatsak dingin anlum a pia hi. ^x
16 TOPA singkungte, ama suansa
Lebanon tamtakte in tui a kham uh hi. ^y
17 Tua lai-ah vasate in bu tom uh a;
ngeital pite in taksing hawm innin a nei uh hi.
18 Mual sangpite sathak aa hi-a, ^z
suanghengte bilpite ^{▼▼ 18 Tua in, hyrax ahikeh sakik.} adingin bukna ahi hi. ^ab
19 Khapi in khuahunte khen a, ^ac
ni in a tum hun ding a thei hi. ^ad
20 Nang in khua na mialsaka zan hi-in ^ae
tulak gamsate khempeuh a gamta uh hi. ^af
21 Humpinelkaite in saman dingin hawk uh a,
amau an ding Pasian tung pan a zong uh hi. ^ag
22 Ni suaka amaute gelmang in;
ciah kik uh a, amaute kua ciat ah a lum uh hi. ^ah
23 Tua ciangin mite nasem dingin kuankhia uh a, ^ai
nitak dong na a sem uh hi.
24 Na nasep tam si e maw, TOPA!
Tuate khempeuh na pilna-in na bawl hi-a; ^aj
na ganhingte leitung a dim uh hi. ^ak
25 A lian mahmah a zai mahmah tuipi om a, ^al
a sungah sim zawh loh ganhing -
aneu alian a dimin omkhawm hi. ^am
26 Tua lai-ah tembawpite kileh suk kilehto uh a,
tua lai-a mawl dinga na bawl Leviathan zong a om hi. ^an
27 Hihte khempeuh in a hunhuna
na an piak ding ngak uh hi. ^ao
28 Amaute na piak ciangin
amaute in khawm uh a;
na khuta na piak khiat ciangin
na hoihte-in a tai uh hi. ^ap
29 Na lehngatsan ciangin
amaute patau uh a; ^aq
a husan uh na laksak ciangin
amaute si-in leivui suak uh hi. ^ar
30 Na Kha na sawl ciangin
amaute kipiangsak a,
lei maitang na puahpha hi. ^as
31 TOPA minthanna kip tawntung henla; ^at
TOPA a nasepte ah nuam ta hen. ^au
32 Amah in leitung enin kiling a; ^av
mualliante lawngin meikhu a suak hi. ^aw
33 Ka nuntak laiteng TOPA la ka sak dinga; ^ax
ka dam sung ka Pasian phatna la ka sa ding hi.
34 TOPA ah nuam ka sak bangin
ka ngaihsutsutna in amah lungkimsak ta hen.
35 Ahi zongin leitung panin mawhneite bei mang uh henla ^ay
migilo om nawn kei ta hen.
Ka hinna aw, TOPA phat in.
TOPA ^{▼▼ 35 Hebrew in Hallelu Yah; Septuagint ah hih laigual in Phatna-la 105 kipatna ah om hi.} phat in. ^ba